आदरणीय दाजुभाई तथा दिदीबहिनीहरू
नमस्कार

विश्वब्यापी प्रकोपको रूपमा फैलिदै गएको कोरोना भाईरस DFW एरियामा पनि देखिएको समाचार आईरहेको सबैमा जानकारी नै छ । सो भाइरसको संभाबित संक्रमणलाई ध्यानमा राख्दै श्रीपशुपतिनाथ तथा बुद्ध मन्दिर दैनिक पूजा, व्यक्तिगत पूजा अर्चना र दर्शनार्थीहरूको लागि नियमित समय तालिका अनुसार मन्दिर खुला राख्ने, तर मन्दिरमा सामुहिक पूजा अर्चना र आईतबारको महाप्रसादको व्यवस्था लगायतका कार्यक्रमहरू हाललार्इ स्थगित गर्ने निर्णय गरिएकोछ ।

यस परिप्रेक्षमा नेपाली सास्कृतिक तथा आध्यात्मिक केन्द्र (NCSC) परिसरमा कुनै प्रकारको सार्बजनिक कार्यक्रम, भेला, सभा, समारोह समेत अर्को सुचना जारी नभए सम्मका लागि स्थगित गरिएको हुँदा आगामी अप्रिल १२ तारिखको लागि तय गरिएको सामुहिक ब्रतबन्धको कार्यक्रम पनि हाललाई स्थगित गरिएको समेत जानकारी गराउन चाहन्छौं ।

कोरोना भाइरसको प्रकोपवाट सुरक्षित रहन Center for Disease Control (CDC) को निर्देशन अनुसार सतर्कता अपनाउनु हुन समेत सबैमा अनुरोध गर्दछौ।

यसबाट पर्न गएको असुबिधाप्रति क्षमा प्रार्थी छौं ।

सहयोगका लागि धन्यबाद !

NCSC

कार्यकारिणी समिति